Παγκόσμια ημέρα μητέρας σήμερα. Χρόνια πολλά σε όλες τις μητέρες του κόσμου !!!
«Η μάνα έν’ κρύο νερόν
και σο ποτήρ’ ’κ’ εμπαίν’
Η μάνα να μη ’ίνεται,
η μάνα να μη έν’
Όταν γερά η μάνα
και άλλο ’κ’ επορεί
Ατότε θέλ’ βοήθειαν
ατότε θέλ’ ζωήν
Κι όταν θα έρ’ται η ώρα
και άλλο ’κι θα ζει
άμα ’κ’ ευτάς το χρέος ι-σ’
θα καίεται η ψ̌η σ’
Η μάνα έν’ βράχος,
η μάνα έν’ ραχ̌ίν
Σο δύσκολον την ώρα σ’
«Μανίτσα μ’, μανίτσα μ’,
μανίτσα μ’!» θα τσ̌αΐ͜εις
Η μάνα έν’ το στήριγμαν
τη χαράς το κλαδίν
Τ’ ατεινές η αγάπη
’κ’ ευρίεται ση γην
Θα δα̤βαίν’νε τα χρόνι͜α,
θα γερούμε κι εμείς
Ατά είναι με τη σειράν
’κι θα γλυτών’ κανείς
Και όλ’ πρέπ’ να εξέρομε
σ’ αούτο τη ζωήν:
Χωρίς τη μάνας την ευχ̌ήν
κανείς ’κ’ ελέπ’ χαΐρ’
Η μάνα έν’ κρύο νερόν
και σο ποτήρ’ ’κ’ εμπαίν’
Η μάνα να μη ’ίνεται,
η μάνα να μη έν’»
(ΓΙΑΝΝΗ ΤΣΑΝΑΚΑΛΗΣ, απόσπασμα, παραδοσιακό Πόντου)
ΔΩΡΑ ΙΩΑΝΝΙΔΟΥ και 68 ακόμη
